Irimburambaga

1. Arahinda arahindanya

Aratera araturira

Ararwanga arutwika

Ararwinjira aratwica

5. Ruratutumba aho Kagitumba

Inkurumbi ntiyamutambamira

Imbunda aza kuyizibura

Kuzakwe bitera inkeke

Inkengu azicurinkumbi

10. Mbona yitwikiriye ukwakira

Mutara yose aritwikira

Mutarama we ntiyatarama

Ngo ingushoye ni i Gitarama

ubwo u Mutara ufatwa igitaraganya

15. Kuva ubwo kunamura icumu biranga

Gabiro arugabiza uwo rutuku

Isi yose irinumira

Si ukunuma aranumanuma

Ugushyingo kose bashya bashyingurwa

20. Mbona inzira zose ntizatanzwe

No mukagera zirageragerageza

Izamarere zihasiga ngerere

Ngere yabo ntagihari!

Irari ryazo rikurubwo!

25. Kuva ubwo mbona simahire

Ntamahirwe iherezo rirancanze

Ntibiciye kabiri i Byumba bica amarenga

Amaherezo yaho yateye inkeke

Nanubu habaye nkene

30. Inyenzi zatanya mu birunga

Ngizengo mposhe

Ati impore impiri irarisha

Inshavu ryabo riranshengura

Ishema ryarwo ribura ubwo!

35. Ukuri kugenda nka nyomberi

Ikinyoma bagiha indaro

Indahiro yacyo itaha mu Ruhengeri

Lizinde Colonel ntiyakoma

Biseruka Komanda ntiyakoma

40. Bikorwa neza ndinumira

Kanyarengwe ubwo aba umutware

Umutwe wange ntiwabyunva

Birunvikana cyane iyo Arusha

Arusha bose kuzikorera

45. Bikindi abibonye ati niki kindi kandi

Ko inkotanyi zidutsinze!

Aherubwo ahamagara bene Sebahinzi

Abaha intsinzi inzira zikigendwa

Indwara iranga ibinganzamarumbo

50. Ntibabyunva inzira bayihata ibirenge

Bizimungu ati Kanyarengwe Ntunsiga

Inzira bayifatanya ubwo

Bazirata ibigwi n’ubutwari

Ubutware zirabagabira

55. Ibyo nti byazikanga zirikomereza

Gukoma imbere biragatabwa

Ubuhake buragatsindwa

Gutsinda aribo zibikesha

Zishengurwe n’abasigaye

60. Bikindi abibonye ariyamira ati:

Burya inkotanyi ziramutse zinatsinze

Uretse ko bidashoboka

Amashyaka yose barimo yazima

Abayarimo bose bagashirira ku icumu

65. Kuva ubwo abashishozi barashishoza

Abagishidikanya babitega iminsi

Twe abakiri bato twitetera

Ntibyatinze buracya biraba

Benesebahinzi bakimarana.

70. Inyenzi inkotanyi zirarutaha

Amayeri aziruta ubwinshi

Ubwicanyi bwose zirabugarama

Kagame aba abaye umwere

Kinani abaye umugome

75. Umugogwe aricwa karahava

Umutsi ahinduka ikiraro

Igitambo baragitamba

Ubugome bwose naho bushingiye

Rwabara ab’inyacyonga ingoyi ibariye

80. Interahamwe zibibonye ziti twatanzwe

Ntizarazamo zihindura inkotanyi

Inkota yazo iba nta mongano

Ubwoba buradutahye

Iherezo riraba irihe?!

85. Interahamwe n’inkotanyi

Bacura umubano zirawubana

Bacura umugambi zirawuhuza

Umutoza nawe ziramuhuza

Kajuga Robert aritanga ntiyazuyaza

90. Kagame Paul aba aragitsinze

Interahamwe iba impanga y’inkotanyi

Ibikorwa byazo biba mpahwi

Byamamara I Rwanda n’imahanga birogera

Ngirango byabuze n’igaruriro

95. RPF ubwo yikomereje politiki yayo

Kwikubira ibirota iteka

Kuyibutsa Arusha biba kuyirushya

Bidatinze Itegeko riba riratanzwe

PSD icibwa umutwe Umutware wayo atanga ubwo

100. Ngo Bucya bucyana ayandi

Bucyana baramwivuganye

Ngo nta nkuba 2 mu gicu 1

Icyugazi ntikiba gito

Twe rwose abato biratuyobeye!

105. Ntibyatinze Kinani nawe ntiyazinanira

Zimukubita isasu agwa mu masaka

Amasasu n’amaraso bikwira u Rwanda

Mata ihinduka maraso

Genda Rwanda warababaye!

110. Abobatutsi baricwa ukagirango ni ibicibwa

Abicanyi bo bati intsinzi turayireba

Umwicanyi aho yicaye abyinisha intebe

Intabaza yabo ntakayunve

Ibyabo birangiye yubura intwaro

115. Urugamba rurambikana

Kigali ihinduka isibaniro

Inzirabwoba zirwesanira

Naho zagambaniwe rugikubita

Zikubitwa umugenda ndabizi

120. Ndazireba aho iwacu

Zirahangana Mitarayezi ziraziburwa

Inyenzi zibagirwa ubumuntu

Igitambambuga kicura kicuza

Zitera ishozi iba inshoberamahanga.

125. Umufaransa abonye nta nuwo kuzabara inkuru

Aritanga amanura ruvakwaya

Ukubaho kwacu niwe tubikesha

Turishima cyane birazishavuza

Ndaziruzi zitsira inzika.

130. Iherezo Gikongoro zirayitaha

Ngo zikubite akanyafu biratinda

Indahiro ibaye irimburambaga

Imbaga yari I Kibeho zirayicyaha

Iherezo ryabo ryaba irihe?!

135. Nyakanga igera batikanga

Ingamba zirafatwa tubireba twese

Ibara risigwa U Rwanda

Umutuku ntiwazima, barazimije

Abacu bose barazimye

140. Turinginga biranga

Ngo ibanga nukuvangura

Icyaha kinkomoko kiremezwa

Ireme ryacyo riboneza Rubanda

Ibibondo bisaba imbabazi

145. Ariko icyambabaje kurusha ibindi

Nkanikanga cyane birenze ubundi

Nikivugo cye aho i Murambi

Yibanda cyane abamucitse

Aricuza acunaguza abo bamubambiye

150. Imbaga yose irumirwa

Nako i Murambi twese twarumiwe

Ariko we arahira kwambuka

Imbunda arazirunze ga!

Gutera ubwega birangirira uko!

155. Urugamba rwubura ubwo

Amazi bayambuka ubwo

Ndabareba mu mashyamba inzitane

Inzirakarengane zirakabona

Abahutu batikirira itingitingi

160. Imbaraga zo kubivuga ntazo

Ariko izina ni IRIMBURAMBAGA

Iyo GENOCIDE izageza ryari?

Rurema arampe kumenya iherezo.