IMBARUTSO IRIMBANIJE

1. Ndaje Rwanda nkunda

Nkwibutse icyonshaka

Icyo nkunda cyirimbanye

Dore nambariye urugamba.

5. Mburiye abawe bose

Kandi ntawe nanze

Ahubwo nanze ikinyoma!

Kandi ntawe nzira

Inzira zikigendwa!

10. Cyono Babona nyunva

We nvano yabyose byoretse u Rwanda

Ibyawe birazwi ntawe ubiranga

Ingano yabyo ntawe uyinga

Uwakuyingayinga si mwene Kanyarwanda.

15. Dore ubaye ibamba nta bambe

Ntanoguhamba urandaritse?

Ng’iyo inkomoko yandagaje u Rwanda

Kandi yarurimbura nta rutangira

Ngirango ibyo murabizi!

20. Rutabikangwa ingingo zose ntazikangwa

N’iyo y’101 irenze ubwenge bwe

Ubwega ateje bwayihitana

Uretse ko rubanda turimaso

Isomo dutanga ntirihinduka

25. Inzira yawe sinyabagendwa

Indwara urwaye si iyabenshi

Nubwo izahitana benshi

Amahindura yawe ntacyo atanga

Habe n’ijabo rya gitutsi utanze!

30. Dore kwivuga ntibigitera Ishema

Ishavu rishengura muntu

Ubumuntu bwacitse cyera

Icyerekezo cyanyu ni ikinyoma

Ikimenyimenyi ntimukimenya ibihe.

35. N’ubwo Izuba riva bimwe bisanzwe!

ubundikiwe n’igicu kidasanzwe!

Icyo kandi nicyo Rubanda yanze!

Yanga karinga ngo ikoze ishyano

Ishyiraho Repuburika urategeka.

40. Erega Rubanda iyo ntiyahindutse!

Kandi nemeza ko itibeshye!

Nonese yabaye Ingaruzwa muheto?

Iganzwe nawe se igutaramire?

Igitangaje inganji ntikiganje !

45. Ariko nkwibarize Babona

Ko nta bukambwe bwawe nduzi ?

Ubwenge ari ubwa bangamwabo ?!

Ntangajwe n’uko utareba kure!

Ko utanze abawe utabanze?!

50. Cyono cyomoro Babona nyunva

Kanura ubone ibije ibiza bitaraza

Nturengeye ubusugire bwarwo

Nturengere n’ubusugire bw’abawe!

None se ubwo bazarushiki abacu?

55. Ibwami nta mwana uhaba !

Hindura ingendo umugenda,

Indunduro y’ibihe itaraza !

Cyono Zirikana iryo jambo

Dore Ijoro rimenya uwariraye!

60. Nkwibutse iki Rubanda?

Ko utibeshye n’ubwo utishimye!

Urananiwe kandi ni mugihe!

N’ubwo utahezwa mu buja ngo mbyunve!

Reka nkwinginge ntiwigire indangare

65. Rubanda, ubuja ntibuvukanwa!

Naho ubucakara buracika

Ikindi kandi nturi ingaruzwa muheto!

Bimburira abo mburira Imbarutso irimbanye

Ishema ryawe niryo ryacu!

70. Nyirizina yanze ubuhacye

Nyirizima amuzimanira kwangara

Ingaruka si ukugaruka

Ahubwo urwacu rurazimye!

Erega nyirizima akurwa na nyirizina

75. Ngayo nguko Rubanda

Icyangira muntu nti kivuzwe

Kuko ntacyo ikivuze!

Naho ivuzivuzi ntirigikoze

Kuko izuba rivuye rivusha!

80. Iyizire Rwanda rwacu

Dore Rwanda Rushya irazimye

Nyirizima ntakizimije

Inzigo iracika ntihera

Ikibi n’uguhera uhemuka !

85. Bwambere n’ubwanyuma

Cyono cyono Babona nyunva

Wikwikunda kunda abawe

Wibatererana ubata mumatage

Nkundira cyono wibuke ayo amateka.

90. Biracyaza…

Venant Nkurunziza

Umunyamabanga Mukuru wungirije

ushinzwe amategeko no gukemura amakimbirane

Ishema Party.